=口= 小蕊の祕密基地

已經好久好久
我都沒有來這邊寫日誌囖..
因為又被封掉了~~

真是可惡!!

現在在香港啊..
所以久可以上來囖..
呵呵~~

強烈推薦他的聲音!!!

今日去咗考滙豐!!!筆試!
同之前in中銀好唔同!
大銀行嗟喺大銀行,外資就是外資!
真喺學到好多嘢!!!
唔似中銀咁兒戲,1分鐘就搞掂!

我哋學校咁多畢業生,
報名考滙豐嘅有几百個,
分開兩日考,我就分咗喺今日!
考試分兩parts,
第1part是筆試,第2part是面試!
筆試過咗先可以参加面試...
而我今日考嘅,就是筆試啦!

點解我會咁大感觸?!
是因為滙豐喺真真正正凭實力去考試,
唔會先睇你學歷同外貌,
機會人人平等!!!!
仲有就喺,去考試,
佢会幫你準備埋考試嘅文具!
派紙筆同胶擦!!!!
感覺好唔同!!

好!講番今日嘅考試,
筆試分成3parts:
第1part喺考反應同細心...
仲有就喺对数字嘅敏感度!
限時4分鐘!
試卷共两版,密密麻麻都喺數字,
數字全部分成兩組,
有D組嘅數字喺相同,有D組嘅數字喺唔同嘅,
我哋要做嘅喺,揾出相同嘅數字,
然後響嗰組數字後麵"√",
唔同嗰組就唔使理佢...
交卷嗰陣,要將做到嘅嗰題嘅編號寫喺卷嘅上麵!

第2part喺做聽力,英語聽力!!!
限時35分鍾!
一共有6段diaolog,
第1段喺要填空嘅,另外5段都喺選擇題!!
內容包括:take a message,客戶complain,interview,辦理銀行業務等...
本人覺覺得...嗰條友讀得超快,
而且喺唔純正嘅美語口音,反而有D似香港人講英文咁...l?下l?下咁!!!

第3part喺完型填空同閱讀理解,都喺英文題!!!
限時45分鍾,大概有20篇!!!
全部都喺選擇題...
內容包括多數都喺銀行嘅業務內容...
話易唔易,話難唔難...

做完成份卷嘅感覺就喺...好似做CET咁!!!

不過,真喺一個好難忘嘅經歷,
可以學到好多嘢...





哈哈...無論結果喺點,我都叫做有收獲!!!
起碼自己唔喺讀英文,而且將英文擺低咗咁耐,
都夠膽去考!!!因為我數過...
成個德語專業,4個人去考滙豐,我哋班就得我一個!!!


喺度...仲要多謝一班喺背後一直都撐我嘅同學!!!
多謝Lily同學,佢俾咗好多好嘅建議同英文面試嘅資料我!!!
多謝阿蕉同學,佢借咗部文曲星俾我,雖然唔考試嗰陣根本唔可以用!!!
仲有就喺,多謝阿蟲同學,雖然佢喺順路番嚟探我...但喺我真喺好開心!!!
同埋,佢幫我問咗“又唔高又唔俊”師兄一D考試嘅嘢...





有朋友真喺好!!!
雖然呢排發生咗D唔好嘅事,
寧我嘅情緒一直down到穀底...
但喺諗到你哋都對我咁好,我D power又翻曬嚟!!!

Danke~~~ ^3^

多年不見的朋友説我變了 變得成熟了 那是表面的
妹妹説我變了 變得對任何事情都漠不關心 變得懦弱了 這是事實

是的 我變了 我變得安靜 冷漠 甚至無情
我變的不再像以前那樣直言直肚 開朗活潑
我的那些稜角 已經隨著時間而被磨平
「無所謂」、「隨便」成了我現在解決事情的必答語
可是 其實我在說「無所謂」的時候 心裏是很難過的

其實 大部份時間 我和以前是一樣的
笑臉還是一樣掛在臉上
我只有在一個人的時候 才會與以前不同
以前的我 只會對著喜歡的人笑 對不喜歡的人冷眼
現在 我對喜歡的人笑 對不喜歡的人也臉帶微笑
我常用笑來掩飾我的不安

我是和以前不一樣了 也囬不去了
我討厭現在的自己 我已經不是原來的我了

細個嗰陣成日都想快D大
要係生日蛋糕上面插好多好多蠟燭
越多越好越多越靚

大個咗之後就希望自己一直都咁後生
唔想再長大唔想變老

人大個咗就覺得其實生日真係冇乜嘢好慶祝
因為一日一日咁變老

但係我仲係好希望人哋可以記得我嘅生日
仲係好希望人哋可以同我講“生日快樂!”


每年嘅今日都好似冇乜嘢唔同
都係要過
但係當我一訓醒一抹大眼嗰陣
就會同自己講“今日生日喇…”
然後整理好心情
等住今日邊個第一個同我講生日快樂呢



其實琴晚
當分針同秒針同時踏係12嘅時候
我就已經比任何人都早
同自己講咗“生日快樂”喇



＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

多謝一班好朋友嘅祝福
今日訓醒 收到妳哋嘅祝福 係我最大嘅禮物
我好開心啊!!!



妈妈、妹、大表、Muti、標標、阿蕉、Lily、阿瑩、大哥、阿容、阿君、阿蟲、瑋琳、阿詩、肥妹妹、
寧師兄、花花、少潔、麟仔、波波、小語、大佬Cow、Lao Mei、南拳會館嘅小But
多謝妳哋短信&畱言嘅祝福啊!!!




謝謝蔡旻佑國際後援會“佑幫”們...&香港後援會、馬來西亞後援會、新加坡“明晃旻佑”、臺灣奇摩傢族、無名小站裡認識的大傢...還有內地論壇的朋友...

雖然你們應該不會來這邊...不過我很開心哦...有的都還沒有見過麵...大傢這麼熱情幫我慶生...我很感動呢!!!不愧是全世界最貼心的“佑幫”...


很高興認識大傢!!!





放心!!!妳們的生日都記在我腦裡喇...我會囬贈給妳們喔...

今日諗住對自己好D…
同阿妹商量好，Tum咗媽咪去咗綠茵閣食Lunch!!!
我同阿妹都鬼死咁開心…
因為我同妹都好鍾意食綠茵閣嘅牛肋排!!!

我哋來到起義路嗰間綠茵閣…
因為係Lunch Time…所以都OK多人!!!
我哋揀咗無煙區，坐咗落嚟。
跟住，個Waitress就走過嚟，同我哋點餐…
一切都好正常…

我哋點咗個古典式牛仔肋排(兩人份)，
同埋一個澳洲美食節嘅B套餐。
套餐入麵有個鮮蝦沙律，湯，鰻魚炒飯…

五分鍾後，個湯就上場喇…
我哋飲咗幾啖，個Waitress就走過嚟，
同我哋講：“唔好意思啊…個古典式牛仔肋排賣曬喇!或者妳哋睇下換D乜嘢啊?”
“吓?冇曬喇?!咁我哋再睇下喇…”我同妹都好失望!!!
最想食嘅嗰樣嘢竟然冇得食喔!!!
之後，經過商量，我哋決定點個煙豬肋排(兩人份)。
雖然豬肋排冇牛肋排咁好食…不過最後我哋都揀咗佢…
捨而求其次…冇計喇!!!
五分鍾後，到沙律上場喇…
跟住個Waitress又走過嚟，
又同我哋講：“唔好意思啊…個煙豬肋排都冇曬喇!!”
“靠!!!有冇搞錯??!!又冇!!!”我開始嬲…
跟住，我同妹又睇個餐牌…最後，決定要西式燒烤牛仔腿。
“嗱嗱嗱…一間唔好又行過嚟話冇啊!!!”我講
再嚟…五分鍾又過去喇…個飯都上嚟喇…
伴隨住個飯，嗰個Waitress又走過嚟，
“真係好對唔住啊…個西式燒烤牛仔腿都冇啊!!”
“有冇搞錯啊!!!點三樣嘢，三樣都冇??!!”媽咪終於忍唔住，發火…
“米係囖!!!不如妳索性話我知，第4頁呢度10樣嘢…妳哋究竟有邊樣喇!!!”我講
“唔使喇…再嚟又冇…再嚟又冇…唔使食喇!!”妹講
所以…我哋冇再點其他嘢…
食完就走人!!!

咁大間連鎖西餐廳…居然點乜冇乜??!!大佬…咁你學咩人做生意喈??!!
定係你哋間綠茵閣聽日就執粒，所以今日乜嘢都冇???!!!
我哋又唔係冇錢俾…係度食餐飯喈…都食到鬼死唔開心…真係嬲!!!

綠茵閣!!!你好嘢!!!下次…請我都要考慮下啊!!!哼!!! >______<

哈哈··終于大功告成！！！
上傳咗幾個珍貴嘅視頻～～～

（咳咳！！我還是寫國語比較好～～畢竟～～這樣大傢都看得懂！）

久違的網誌今天終于更新啦··
相冊也大更新！！



呵呵～～剛剛上傳了幾個珍貴得影片！！
是偶像劇【劍道愛】的拍攝花絮視頻～～！！

等了這麼久～～這部戲～～終于拍完了～～！！
太高興啦～～高興得睡不著～～
所以就挑了一些照片和視頻傳上來！！

先放這些上來吧～～有空再放其他的！！


（噓～～偸偸告訴你喔～～！！拍照的不是我～～照片和影片多數都是朋友MSN傳過來給我滴～～所以～～如果涉及任何版權問題～～請畱言給我～～我會馬上刪掉！！OK？？！！）



就這樣吧～～

澳門··真係一個美食天堂！！
今日由澳門番嚟··結束咗兩日嘅行程！！
只腳好攰··行咗好多路··
重咗好多··食咗好多嘢··

如果大傢去澳門··
（唔係去搏殺，而係去揾食嗰只··）
建議妳同我Book個時間··我帶妳去揾食··

不過··如果妳厭我咗訂··
都可以自己去嘅··

總結今次嘅澳門行程··
除咗食··仲係食··
計埋進貢咗D畀金莎嘅··我先洗咗100蚊··
因為其他洗費媽咪包曬！！哇哈哈哈··

好開心啊··期待下次“揾食兵團”嘅揾食計劃！！

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

以下係我提供畀大傢嘅揾食Tips：
我去過曬咖喇··好嘢要一齊分享···哈哈···等我得閑傳曬D相上來···再更新佢先···

1. 順德行
賣點：三十幾年老子號，轉做豆製品。豆腐花、豆漿、豆腐好出名!
全部豆製品人手製作，豆味道十足!尤其豆腐花，滑過妳塊面··加咗三花淡奶，味道啱啱好!
推介：豆腐花（$6）
營業時間：8:00am-7:00pm（每月1號店舖休息）
電話：（853）920598
地阯：新埗頭街19號D地下 (新馬路大三巴嗰邊，係條巷仔入面，附近係東亞酒店，揾唔到就問下人喇··)

2. 添發
賣點：真才實料嘅翅!（呢間嘢雖然店仔細細，但係日日排長龍··老細唔憂做!! 間嘢專食翅··有花膠翅··鮑鷄翅··好多品種。有錢就食好D，無錢未食平D囖···$16蚊嘅翅係最低消費）
推介：碗仔翅（$16）
地阯：新馬路福隆新街（民政總署嗰邊，手信街方嚮，都係響條巷仔入面，不過都幾好揾，揾唔到就問下人喇··）

3. 祥記麵家
賣點：老子號，D麵好靚，蝦子麵同平時食嗰D唔同，真係有蝦子嘅··而且係用豬油撈嘅麵··好好味道。（有自製嘅蝦子醬同XO醬賣）
推介：招牌撈蝦子麵（$16）魷魚（$28）
地阯：新馬路福隆新街68號

4. 坤記餐室
賣點：平又正宗嘅葡國菜!（因為抵食又好食，所以成日排長龍··呢度凈係做飯市··所以遲咗就無得食··）
推介：咖喱牛腩（$24）焗牛尾（$48）炸马介休球（$45）血鴨（呢個送星期六先供應）、葡果燒鷄、葡國汽水、無花果茶
地阯：水坑尾街264號

5. 禮記冰室
賣點：禮記是全澳門唯一自製雪糕的冰室，雪糕種類甚多，全依季節由新鮮生果炮製，香滑又有質感。除雪糕外，禮記還有雪糕磚、紅豆冰出售。
推介：雪糕磚($18)蓮花杯($5)雪糕三文治($5)
營業時間：1:00pm-11:00pm
電話：（853）375781
地址：荷蘭園大馬路12-12A

6. 細龜大排擋
賣點：呢度唔單止食，仲有得睇!呢度嘅老細炒麵技術一流!!炒麵就好似玩雜技咁··雖然係大排擋，但係捧場客多數係香港遊客同埋遠道而來嘅朋友。
推介：魷魚炒麵、干炒牛河、腐乳炒通菜
營業時間：07:00pm-01:am
電話：（853）953106
地阯：沙梨頭仁慕巷街頭（係新馬路搭26A、3、33、4、6路車）

7. 阿伯蛋茶
賣點：一個駝背阿伯整嘅蛋茶，間嘢無名··可以講係路邊攤。不過，呢個阿伯日日都係嗰度擺檔，風雨不改！！（阿伯日日限量賣蛋··賣曬就無咖喇··因為爐有限，阿伯又一個人整，所以通常整咗D蛋茶先整墩蛋，墩蛋大概要01：00am先有得買··）
推介：桑寄生蛋茶（$9）墩蛋（$9）
營業時間：約11:00pm
地阯：光復街21號達昌鏡畫對面（三盞燈嗰邊，係新馬路搭5路車，新士德站落車嚮前行··呢度自己揾會比較難揾，我第一次去都揾咗差唔多成個鍾，所以建議妳落咗車之後問下人··）

8. 保記牛腩
賣點：保記獨沽一味只賣牛腩，火候恰到好處，腍硬適中，水準數十年不變，深受街坊歡迎。其牛腩分原味和咖喱兩種口味，尤以咖喱味最受歡迎。
推介：咖喱牛腩河或通粉（$10）
營業時間：1:00pm-5:30pm
電話：（853）373615
地阯：德隆新街6號

9. 新口岸葡國餐廳
賣點：露天茶座好有南歐風味。呢間嘢好有口碑··係正宗嘅葡國餐廳··價格合理。
推介：海盜式燒羊扒($78)香橙卷($16)木糠($18)腐乳炒蟹($180)原煲海鮮飯($60)
營業時間：12:00nn-12:30pm
電話：（853）703276
地址：新口岸高美士街中裕大廈2樓舖（搭8、1A）

8/1 今天， 我在pixnet正式開業！！

這是我的第3個部落格。

無名··大陸上不了，網阯已經被封了··
（可惡！！政治問題為什麼要牽涉到我們？？！！）

xuite··也一樣··被封了部落格和相冊版面···
只能用硬盤和郵箱！！

無奈啊！！


所以··就這樣··
我來了pixnet···
希望妳的命不要那麼短啊！！！

哦也··